Повеќе од 915.000 луѓе преминале во Русија од Украина

Од почетокот на војната во Украина, повеќе од 915.000 луѓе, вклучително и близу 170.000 деца, се преселиле во Русија од оваа земја, изјави официјален претставник на руското Министерство за внатрешни работи за ТАСС.

„Повеќе од 915.000 луѓе, вклучително и речиси 170.000 деца, пристигнаа во Русија од Донбас и Украина преку контролните пунктови во регионите Ростов, Белгород, Курск, Брјанск и Крим“, рекол рускиот претставник.

Според него, од 15.000 до 20.000 луѓе секојдневно ја минуваат руската граница од самопрогласените Доњецк и Луганск (ДНР, ЛНР) и други делови на Украина, јави ТАСС.