Ѓоковиќ загуби на свој терен, Рубљов ја однесе титулата

Рускиот тенисер Андреј Рубљов го победи прворангираниот светски тенисер Новак Ѓоковиќ во финалето на Србија опен.

Публиката, околу 8.000 од нив, можеше да ужива во тенисот на двајца Топ 10 тенисери на тениските терени во Дорчол, Белград, а „одмаздата“ за поразот на завршниот Мастерс минатата сезона, ја сервираше Русинот.

Рубљов дојде до победа во три сета – 6: 2, 6: 7, 6: 0.

Овојпат Ѓоковиќ не успеа да го сврти дуелот во своја полза,  откако и во полуфиналето губеше во првиот сет.

Тоа е 11-та титула за Русинот во кариерата, трета сезонава, а со Новак сега има скор 1-1.