Државната служба за итни случаи на Украина објави видео од куче кое помага во процесот на деминирање.
„Нашето воено куче Патрон продолжува да ги деминира областите во близина на Чернихив“, велат тие во видеото.
На видеото се гледа како Џек Расел териер носи појас на кој е сошиен официјалниот амблем.
Кога единицата за деминирање ќе стигне до место со отворена пошумена површина, може да се види кучето како трча, лае покрај неговиот водач, пред да почне да гребе во земјата, каде што неговиот соработник го зема предметот и го носи назад до возилото.
Оттаму додаваат дека Патрон и 26 припадници на Државната служба за вонредни состојби синоќа уништиле 262 експлозивни направи.
„Благодарам пријателе за услугата“, додадоа на крајот.
Тим часом наш войовничий песик Патрон🐶 продовжує розміновувати території поблизу Чернігова. Минулої доби він разом з чернігівськими піротехніками ДСНС знищив 262 вибухонебезпечних предмети.
Дякуємо, друже, за службу🐾! pic.twitter.com/RUNuQV1HD3
— DSNS.GOV.UA (@SESU_UA) May 1, 2022
Украинската државна служба за итни случаи соопшти дека вчера биле пронајдени и неутрализирани 968 експлозивни направи на површина од 230 хектари.
Повеќето од нив се пронајдени во областа на Харков, Киев и Чернихив. Од почетокот на руската инвазија, пронајдени и неутрализирани се вкупно 88.883 експлозивни направи и 583 килограми експлозив, вклучително и 1.961 воздушни бомби, а проверена е и површина од 15.745 хектари.