Трката во Мајами се покажа како многу тешка за 7-кратниот светски шампион Луис Хамилтон, кој на стартот имаше контакт со Фернандо Алонсо и загуби неколку позиции, а при безбедносното возило Британецот остана на патеката и не застана за нови гуми во бокс.
На оваа одлука и претходеше жива дискусија на радио за тоа дали Хамилтон сака да застане во боксот или не, но на крајот се согласи со својот инженер дека не вреди да се влезе за нови гуми.
По рестартот, Луис не можеше да му се спротивстави на својот тимски колега Џорџ Расел, кој застана по нови гуми и го претекна.
„Кога сте на патеката, не можете да имате целосни информации за тоа што се случува, не знаете каде се вашите противници, не знаете какви информации добиваат инженерите“, рече Хамилтон. „Значи, кога пилотот се обидува да ја донесе таа одлука, тоа е коцкање, а јас не сакам коцкање. Во тимот има луѓе кои носат такви одлуки. Но, едноставно не ни одеше добро во оваа трка, бидејќи безбедносното возило беше спротивно на нашата стратегија“.
Хамилтон додаде дека неговата борба со Расел била „фер“ и потврди дека смета дека правилната одлука е трката да се започне со тврди „сликови“, а не со средно тешки како што направија 16 од 20-те пилоти.
Поради грешката на Ботас во 49. круг, двајцата возачи на Мерцедес кои го бркаа освоија по една позиција и во финалето Расел заврши на 5-то, а Хамилтон на 6-то место.