Претседателот на Серија „А“, Лоренцо Касини, призна дека веќе се размислува за промени во користењето на ВАР технологијата во италијанскиот фудбал. Се повеќе тренери и играчи се незадоволни од начинот на кој се користат видео репризите денес. Затоа, Касини призна дека е подготвен да направи промени, а идеи може да се земат од тенисот, каде играчите имаат право на три оспорувања на судиските одлуки.
„Верувам дека треба да размислиме за некои подобрувања. Една идеја што ми се чини разумна е воведувањето оспорување. Да им се дозволи на тренерите еднаш или двапати во натпревар да побараат преиспитување на одлуката. Ова ќе се обиде да ги намали проблемите и тензијата за време на натпреварите“, изјави Касини.
Во оваа фаза, сепак, ова е прилично желба, која се покажа дека нема начин како да влезе во употреба во сезоната 2022/23. Ваквата промена прво мора да биде договорена со ИФАБ (телото кое ги прифаќа промените во фудбалските правила). Само тогаш може да се спроведе во пракса. Сепак, тоа не може да се случи од следната сезона, бидејќи протоколот за употреба на ВАР за него е веќе изгласан и не може да се менува.