Западните санкции блокирале извоз на Белорусија во вредност од 16 до 18 милијарди долари

Западните санкции воведени кон Белорусија го блокираа годишниот извоз на земјата во вредност од 16 до 18 милијарди долари, изјави белорускиот премиер Роман Головченко.

„Поради санкциите блокиран е речиси целиот извоз на Белорусија во земјите од Европската унија и Северна Америка. Тоа се околу 16 до 18 милијарди долари годишно“, изјави Головченко доцна синоќа во интервју за ТВ станицата Ал Арабија од Дубаи, пренесе белоруската новинска агенција Белта, цитирана од Ројтерс.

Западните земји воведоа санкции кон Русија и Белорусија откако Москва започна специјална воена операција во Украина на 24 февруари.