Најмалку 19 ученици и двајца возрасни се убиени кога 18-годишник отворил оган во основното училиште Роб во Јувалде, Тексас, објавија локалните власти во таа американска држава.
Убиен е и напаѓачот, средношколец во градот Јувалде, кој пукал по случаен избор додека одел од училница во училница, соопшти полицијата.
Нападот во основното училиште Роб во Јувалде, училиште претежно населено со Латиноамериканци, е најголемото злосторство во училиштата во САД од декември 2012 година, кога вооружен напаѓач уби 20 деца и шест возрасни во основното училиште Сенди Хук во Конектикат.
САД: Убиецот на пријател му го покажал оружјето четири дена пред нападот
Поранешен соученик на убиецот од Тексас, Салвадор Рамос, кој вчера уби 19 деца и двајца возрасни во основно училиште во Јувалде, на 150 километри од Сан Антонио, изјави дека Рамос му пратил фотографии од оружјето и муницијата пред да го изврши нападот.
Пријателот, кој не сакаше да го открие идентитетот, изјави дека на некој начин бил „близок“ со Рамос и дека повремено слушал со него додека заедно играле Xbox.