Џонсон: Путин остварува бавен, но опиплив напредок во Донбас

Британскиот премиер Борис Џонсон изјави денеска дека рускиот претседател Владимир Путин прави бавен, но опиплив напредок во украинскиот регион Донбас.

„Се плашам дека Путин, со голема цена по себе и за руската армија, продолжува полека да го освојува теренот во Донбас“, изјави Џонсон за ТВ Блумберг, пренесе „Ројтерс“.

„Тој продолжува да постигнува постепен, бавен, но се плашам опиплив напредок и затоа е апсолутно витално да продолжиме да им даваме воена поддршка на Украинците“, истакнува премиерот на Обединетото Кралство.