Милијардерот Бил Гејтс, ко-основач на Мајкрософт, смета дека има 50 отсто шанси да се појави нова пандемија во следните 20 години и дека нејзиното потекло веројатно ќе биде природно.
„Човечката популација расте и ние навлегуваме во се повеќе екосистеми. Затоа предвидувам дека има 50 проценти шанси да имаме нова пандемија од природно потекло во следните 20 години, како резултат на климатските промени“, рече Гејтс.
Гејтс, кој неодамна ја објави книгата „Како да се спречи следната пандемија“, објасни дека следната пандемија може да биде грип, нов тип на вирус од семејството на коронавирус, па дури и вирус направен од човек, кој тој го нарече „многу застрашувачко сценарио“, пренесува Срна.
Да потсетиме, Светската здравствена организација (СЗО) во април објави дека бројот на потврдени случаи на коронавирус во светот надмина 500 милиони.
Гејтс беше активен учесник во глобалните напори за дистрибуција на дијагностика на коронавирус, лекови и вакцини, преку неговата „Фондација Бил и Мелинда Гејтс“, како и во соработка со ОН.