Унгарскиот премиер Виктор Орбан во понеделникот во доцните ноќни видео пораки на Фејсбук им порача на унгарските семејства дека „тие можат мирно да спијат во своите кревети, заштитени од скапите трошоци за гориво и греење што ембаргото ќе значи за остатокот од Европа“.
„Постигнат е договор. Унгарија е изземена од ембаргото за нафта! Унгарските семејства можат мирно да спијат вечерва, ја спречивме идејата од која се крева влакна на главата“, рече Орбан.
Орбан ја освои својата четврта последователна изборна победа минатиот месец, ветувајќи дека цените на комуналните услуги и горивото ќе останат ниски; минатата недела најави нови неочекувани даноци за покривање на трошоците за одржување на субвенциите.
Во средината на мај, Орбан се состана со претседателката на Европската комисија Урсула фон дер Лејен во врска со ветото наметнато од Унгарија на шестиот пакет санкции, ембарго за увоз на руска нафта. Унгарија, како што тогаш објасни еден дипломат, барала гаранции дека Загреб ќе се вклучи во изградбата на инфраструктурата, како и гаранции за европско финансирање.
„Оние кои имаат море и пристаништа можат да носат нафта на танкери. Ако тие (морето) не ни го земеа, ќе имавме пристаниште“, рече Орбан во интервју за државното радио на почетокот на овој месец.
Да потсетиме, лидерите на земјите членки на ЕУ постигнаа договор за забрана за увоз на руска нафта испорачана со бродови, а Унгарија ќе може алтернативно да набавува нафта преку Хрватска во случај на проблеми со нафтоводот Дружба.
Хрватскиот премиер Андреј Пленковиќ на состанокот на лидерите на ЕУ објасни дека Јанаф може да го зголеми капацитетот за 30 отсто во рок од 20 до 30 дена, со инвестиции од само осум милиони евра.
Пленковиќ рече дека Јанаф превезува 11,4 милиони тони сурова нафта годишно, а со зголемување од 30 отсто, капацитетот ќе се зголеми на повеќе од 15 милиони тони, за Унгарија и Словачка нормално да се снабдуваат.
На прес-конференцијата во вторникот вечерта, претседателката на Европската комисија Урсула фон дер Лајен, исто така, ги отфрли шпекулациите дека Унгарија би можела да биде зависна од руската нафта во наредните години, велејќи дека Пленковиќ рече дека таа може да се испорачува преку Јадранскиот гасовод. Фон дер Лeјен го спомена рокот за зголемување на капацитетот на Јанаф од 45 на 60 дена.
Орбан во понеделникот пред самитот рече дека предлогот за изземање на увозот на нафта преку гасоводот од забраната за увоз е добар пристап, но дека на Унгарија и треба гаранција дека ќе обезбеди увоз на нафта во случај на инцидент со гасоводот Дружба.