Веќе шест недели се одржува едно од најгледаните судења меѓу познатиот актер Џони Деп и актерката Амбер Херд.
Поротата ја донесе конечната одлука во корист на Деп. Со тоа актерот ја доби тужбата за клевета вредна 15 милиони долари.
Како што одлучи поротата, изјавата на актерката била лажна.
За време на судењето, актерската двојка презентираше бројни детали од нивната турбулентна врска.
Џони сведочеше дека и самиот бил жртва на насилство за време на нивниот краток брак и дека обвинувањата против него се лажни.
Амбер, пак, тврдеше дека била жртва на насилство во оваа врска, а популарниот актер психички, физички и сексуално ја малтретирал.
Во текот на судењето пред судот се појавија голем број вештаци кои се обидоа да објаснат како се одвивала врската и да ги утврдат главните проблеми, за да помогнат во решавањето на овој случај. Во судот како сведоци се појавија и многу колеги, пријатели и соработници, кои беа информирани за нивната врска.
По завршните зборови на адвокатот, судењето кое трае веќе шест недели заврши.
Да потсетиме, Џони Деп ја тужеше Амбер Херд за клевета, тврдејќи дека тоа му ги уништило угледот и кариерата бидејќи во колумна објавена од „Вашингтон пост“ во 2018 година, таа напишала дека била изложена на семејно насилство за време на бракот. Иако актерката не го спомна познатиот актер, оваа колумна привлече големо внимание, а Деп поради последиците ја поднесе споменатата тужба.
Херд потоа поднесе противтужба, барајќи отштета од 100 милиони долари за тогашниот адвокат на Деп, Адам Валдман, дека нејзините наводи за злоупотреба се невистинити и „измамни“.
Херд и Деп се запознаа на снимањето на „The Rum Diary“ и се венчаа во 2015 година. Само една година подоцна, Херд поднесе барање за развод во 2016 година, а се разведоа следната година.
Деп не беше присутен на денешното носење на одлука. Тој замина за Велика Британија, каде што одржа неколку свирки.