Новиот тренер на Лос Анџелес Лејкерс, Дарвин Хем, ќе го доведе Рашид Валас во својот штаб, пренесе „The Athletic“. Валас минатата сезона ја помина како помошен тренер на Универзитетот во Мемфис под водство на Пени Хардвеј, а сега ќе им се приклучи на Лејкерси.
Валас (47) и новиот тренер на тимот од Калифорнија, Хам, беа соиграчи за Детроит Пистонс, кој ја освои титулата во НБА во 2004 година. За време на неговата прва прес-конференција на чело на Лејкерс, Хем рече дека веста за Валас „воопшто не е точна“ и дека преговорите „се уште се во тек“.
„Нема ништо конкретно за Рашид. Тој дефинитивно е кандидат кој ќе го разгледаме, но работиме на тоа. Имаме список со имиња кои моментално се под договор и работиме на изборот на најдобриот можен кадар“, додаде тој.
Валас имаше просек од 14,4 поени и 6,7 скока на 1.109 натпревари во дресовите на Вашингтон, Портланд, Атланта, Детроит, Бостон и Њујорк Никс. Тој беше избран за број 4 на НБА драфтот во 1995 година од Вашингтон.
Хам доаѓа на местото на Френк Фогел, кој во 2020 година го освои 17-иот шампионски прстен во историјата на „езерџиите“, но беше ослободен од функцијата бидејќи оваа сезона не успеа да се квалификува со Лејкерси во плеј-офот.
Дарвин Хам синоќа беше официјално претставен пред медиумите и најави дека сака да го задржи Расел Вестбрук.
„Рас е еден од најдобрите играчи што нашата лига некогаш ги видела. Не знам зошто луѓето се обидуваат да го отпишат“, рече Хам.