Потпретседателката на Бугарија, Илијана Јотова денеска прокоментира дека евентуалните предвремени парламентарни избори нема да бидат преседан, но Бугарија не е во ситуација да може да си го дозволи тоа. Јотова рече дека има уште многу чекори што треба да ги преземе владата пред евентуалното предвремено гласање.
„Сè е во рацете на премиерот. Тој е на потег. Мора да преземе некои многу важни чекори. Прво, за да биде доволно убедлив, можен нов состав на кабинетот, владата, доколку, се разбира, оставка на министри од „ИТН“ и навистина си заминуваат од коалицијата. Второ, да се брани новиот кабинет. Тоа се прави само со силни аргументи, силни причини, основани предлози. Му посакувам успех“.
Според Јотова, премиерот Кирил Петков би бил успешен доколку предложи силни решенија и бара парламентарно мнозинство во име на бугарскиот интерес.
„Ако секој пат броиме кој ќе не поддржи и колку луѓе ќе има во салата, таква ситуација, би рекла е доста тешка, веќе ја доживеавме за време на владата на Орешарски. Мислам дека Бугарија не е заинтересирана да се врати во такви ситуации“.