Франција: Топлотен бран оваа недела, температури до 40 степени

Поголемиот дел од Франција оваа недела ќе биде зафатен од топлотен бран со температури до 40 Целзиусови степени, а во Париз можна е температура од околу 37 степени, објави француската метеоролошка служба.

Тамошните медиуми денеска јавија дека високата температура ќе биде од среда до сабота, а топлотниот бран најмногу ќе го зафати јужниот дел на Франција. До 40 степени ќе има во Тулуз, Бордо, Бијариц и Лион.

Посеверно температурата ќе биде нешто пониска со околу 37 степени во Париз и Рајна, додека Лил како најсеверен град ќе забележи околу 34 степени.

Топлотниот бран доаѓа од Португалија, соопштија метеоролозите и додаваат дека и ноќите ќе бидат топли.