Поранешниот руски претседател Дмитриј Медведев се потсмеваше на посетата на неколку европски лидери на Киев, нарекувајќи ги бескорисни во твит со исмејување на националните стереотипи.
„Европските љубители на жаби, колбаси и шпагети сакаат да го посетуваат Киев“, напиша тој алудирајќи на францускиот претседател Емануел Макрон, германскиот канцелар Олаф Шолц и италијанскиот премиер Марио Драги.
European fans of frogs, liverwurst and spaghetti love visiting Kiev. With zero use. Promised EU membership and old howitzers to Ukraine, lushed up on gorilka and went home by train, like 100 years ago. All is well. Yet, it won’t bring Ukraine closer to peace. The clock’s ticking
— Dmitry Medvedev (@MedvedevRussiaE) June 16, 2022
„Како пред 100 години“
Медведев беше претседател на Русија од 2008 до 2012 година, а моментално е заменик-претседател на Советот за национална безбедност. Од почетокот на руската инвазија тој на својот Твитер профил ги исмева изјавите на европските политичари.
Посетата на лидерите „нема никаква корист“, напиша тој. „Тие ѝ ветија членство во ЕУ и стари хаубици на Украина, зашеметени од горилка (украински алкохол) и патуваа со воз, како пред 100 години. Да, тоа нема да ја приближи Украина до мирот. Часовникот отчукува“, напиша тој.