240
Украина треба сама да одлучи дали ќе прифати какви било територијални отстапки за Русија со цел да се стави крај на војната, изјави францускиот претседател Емануел Макрон во интервју за телевизијата TF1 за време на денешната посета на Киев.
„Ова зависи од Украина да одлучи“, рече Макрон, одговарајќи на прашањето кои отстапки, вклучително и на нејзината територија, Украина треба да ги прифати, пренесува „Ројтерс“.
Францускиот претседател изјави дека Франција и Германија нема да водат разговори за примирје со Русија наместо Киев и дека Украина и нејзиното раководство треба да одлучат кога и под кои услови ќе ги продолжат разговорите со Москва.