Иако ѕвездите од серијата „Пријатели“ добија по пет милиони долари за минатогодишното дружење во специјалниот „Friends: The Reunion“, тие веќе не планираат слични проекти.
Ова во интервју за Variety го откри Кортни Кокс, која го толкуваше ликот на Моника Гелер, велејќи дека тоа е крајот на таквите програми.
„Не чувствувам дека серијата е завршена, но нема да се собереме повторно. Замислете, тоа би било ‘Имаме 80 години и сега ќе се вратиме’“, изјави Кокс за Variety.
За актерката, специјалното издание што беше претставено пред публиката минатиот мај беше многу емотивно, како и за остатокот од тимот – Џенифер Анистон, Лиза Кудроу, Мет Лебланк, Метју Пери и Дејвид Швимер.
Целиот сет беше реконструиран за нив, па повторно можевме да ги видиме во познатата кујна и дневна соба, но и во кафулето „Central Perk“.
"We're not gonna do another reunion" Courteney Cox tells Faith Hill of the #FriendsReunion. "Can you imagine? We'll be like, 'We're 80, let's go back in!'" https://t.co/fJHh7l8t55 pic.twitter.com/eVK1CHQAg1
— Variety (@Variety) June 17, 2022