Скандалозни сцени беа видени во Љубљана за време на промоцијата на наследникот на Роберто Просинечно на клупата на Олимпија, Шпанецот Алберто Ријера.
Ријера требаше да ја добие првата самостојна работа во кариерата, бидејќи претходно работеше како асистент во турски Галатасарај.
Сепак, наиде на „непријатност“, бидејќи на конференцијата упаднаа хулигани и директно во лице, но со фантомки во боите на клубот, му порачаа на Шпанецот веднаш да го напушти клубот.
Тој стана и си замина, но прашање е дали ќе остане на местото на тренер.
TENSIÓN Y PELIGRO EN ESLOVENIA. Los ultras del Olimpija Ljubljana invadieron la sala de prensa e interrumpieron la presentación del nuevo entrenador: Albert Riera. Se mostraron furiosos con Adam Delius, dueño del club, quien decidió despedir a Robert Prosinecki (el anterior DT). pic.twitter.com/gK5WgydecI
— SportsCenter (@SC_ESPN) July 4, 2022
„Никогаш во животот не сум го видел она што го видов во Словенија, а тоа е навивачите да влезат во медиумска сала. Ја напуштив медиумската конференција затоа што немаше повеќе спортски прашања. Добив многу пораки од пријатели и познаници од Шпанија, но јас морам да кажам дека не се исплашив во ниту еден момент“, изјави Ријера за „Марка“ и додаде:
„Не се жалат тие од мене, изгледа се лути поради отказот што го доби Роберт Просинечки. Се жалат на управата на клубот и на претседателот, а јас немам ништо со тоа“.
Ријера во својата кариера меѓу другите клубови настапуваше за Манчестер Сити и Ливерпул, а кариерата ја заврши во 2016 година во словенечки Копер.
Да потсетиме, Просинечки пред два дена остро зборуваше за раководството на Олимпија.
„Во фудбалот сум долги години и никогаш во животот не сум работел со такви измамници и лажговци. Начинот на кој го водат клубот е апсурден, дури ни Алфред Хичкок немаше да режира вакво нешто“, рече меѓу другото Просинечки.