Џорџ Расел се покажа како постабилен и побрз возач на Мерцедес во првата третина од Ф1 сезоната 2022 година, а една од причините е тоа што тимот го користеше болидот на Луис Хамилтон за серија експерименти во битката против отскокнувањето и потребата за повеќе стабилност и брзина.
Сепак, Хамилтон претходно изјави дека Расел веќе има стекнато доволно искуство во работата со Мерцедес и може да помогне да се најдат решенија за развој на болидот, наместо да работи секој тркачки викенд само на подготовка на соодветните квалификации и трка.
Веднаш потоа се промени односот на силите во тимот и Хамилтон ја врати лидерската улога во Мерцедес.
За време на француското ГП, Расел побара од Мерцедес да ги прекине или барем да ги намали експериментите со неговиот болид за да може да се концентрира на својата главна задача за тркачкиот викенд – да се претстави што е можно подобро на трката.
„Кога сериозно заостануваме во однос на најбрзите, тогаш мораме да ги искористиме сите можни средства за да напредуваме – објасни Расел. – Но, тоа значи да работиме главно на подобрување на нашите перформанси во конкретниот случај, нема потреба да правиме големи или многу експерименти. Да, важно е да се соберат информации за да се знае што функционира, а што не. Но, тоа не е лесна задача“.
Во Франција, Хамилтон и Расел завршија на второто и третото место, што е прв подиум на Џорџ по Баку. Расел е 5-ти во генералниот пласман, со 1 поен зад Карлос Саинц.