Претседателот на Србија, Александар Вучиќ вечерва во интервју зборувал за цената на струјата.
– Цената на струјата денеска достигна рекорд на европскиот пазар, 540 евра за киловат час. Нашиот народ плаќа околу 40, информирал претседателот Вучиќ.
– Значи 14 пати помалку отколку што плаќаат Германците. Ја презедовме улогата на државата да преземе речиси самата сѐ. Што да правиме, тоа што не сме во можност да го произведеме, мора да го купиме, напоменал тој во интервју за Тв „Пинк“.
– Во овој момент крвариме за гас, за сѐ. Им порачувам на луѓето да сфатат колку крвари државата и колку ѝ е тешко, заклучи српскиот претседател.
Тој исто така најавил дека од 1. јануари платите на вработените во јавниот сектор во Србија треба да се зголемат меѓу 12,5 и 14 отсто.