187
Англиски Брајтон официјално демантираше дека постигнале договор со лондонски Челси за трансферот на шпанскиот дефанзивец Марк Кукуреља.
Претходно вчера популарниот италијански новинар и стручњак за трансфери Фабрицио Романо објави дека двата клуба го договориле трансферот, лондончани се согласиле да платат 50 милиони фунти, а играчот се договорил за личните услови.
„И покрај бројните пишувања во медиумите, продажбата на Марк Кукуреља се уште не е договорена со ниту еден клуб“, напиша Брајтон.
Кукуреља во тимот на „галебите“ дојде минатото лето од шпански Хетафе.
Преговори за неговите услуги водеше и Манчестер Сити, но понудата од 47 милиони евра не го задоволи клубот.