Јувентус со информација за повредата на Ди Марија

Јувентус ја потврди повредата на новото засилување Анхел Ди Марија.

Клубот соопшти дека по денешните лекарски прегледи на Аргентинецот, јасно е дека тој има повреда на адукторот на левата нока, а неговата состојба ќе биде повторно проценета за 10 дена.

Тоа значи дека Ди Марија сигурно ќе го пропушти натпреварот од второто коло во Серија „А“ против Сампдорија следниот понеделник.

Тој синоќа имаше одлично деби за „бјанконерите“ со гол и асистенција при победата од 3:0 на гости кај Сасуоло, но беше заменет во 65. минута токму поради повредата.