Ремито без голови на гостувањето кај Сампдорија го разочара тренерот на Јувентус, Масимилијано Алегри. Тој беше критичен кон играта на неговиот тим, кој речиси и да не создаде шанси за гол. Но, Алегри како нешто позитивно го истакна фактот што Јуве втор натпревар по ред не прими гол.
„Имаме две чисти мрежи од почетокот на сезоната. Тоа е добар знак. Сега мора многу добро да се подготвиме за дербито со Рома. Ни недостасуваат Пол Погба и Федерико Киеза кои се важни за нас. Сакаме да постигнеме нешто големо, но мора да бидеме трпеливи бидејќи се уште заостануваме од некои од другите тимови“, сподели Алегри.
„Сампдорија одигра силно пред паузата и покажавме добри работи во вториот дел. На крајот имавме огромни шанси да победиме. Не сакам никогаш да се отстапуваме. Го направивме тоа против Сасуоло кога се вративме. Денес тоа не чинеше два бода“, изјави тренерот на „бјанконерите“.
Запрашан како ќе реагира на тоа дека Душан Влаховиќ ја допрел топката само три пати во првото полувреме, Алегри рече дека Србинот се подобрил по паузата, но генерално треба да дејствува со поголема смиреност и самодоверба.