Светскиот шампион Макс Верстапен забележа неверојатна втора последователна победа во сезоната во Формула 1, откако триумфираше на Големата награда на Белгија, каде стартуваше од 14-та позиција.
Холанѓанецот демонстрираше одлично темпо на Спа и веќе во првите десет круга успеа да се пробие до предниот дел на колоната, по што лесно се снајде со првиот и вториот Карлос Саинц и Серхио Перез. Откако беше во водство, возачот на Ред Бул не погледна назад и стигна до финишот со предност од 17,8 секунди пред тимскиот колега Перез, кој го направи двоен триумфот на „биковите“ во Белгија.
Подиумот во Белгија го комплетираше Саинц, кој во последниот стинт постојано губеше време од Џорџ Расел, но во последните кругови успеа да ја „истиска“ и последната капка брзина од својот Ф1-71 за да заврши трет. Расел заврши на четвртото место, а топ 5 на Белгиското ГП го затвори Фернандо Алонсо.
Шпанецот ја мина целта како шести, но напредуваше една позиција поради казната од 5 секунди на Шарл Леклер. Возачот од Монако беше казнет за брзо возење во боксот за време на неговиот трет пит-стоп, што се случи два круга пред финишот.
Целта на Ферари беше Леклер да може да се избори барем за најбрзиот круг со меките гуми, но му недостигаа 0,6 секунди за да го подобри достигнувањето на Верстапен, кое претходно беше постигнато со медиум.