Познатата хакерска група „Cuba Ransomware“ тврди дека добила податоци од Парламентот на Црна Гора, објави „securityweek.com“ – медиум специјализиран за информации за сајбер безбедноста.
Тој медиум објави фотографија од веб-страницата на хакерската група која сведочи за нивните тврдења дека имаат податоци кои припаѓаат на Одделот за односи со јавноста на Собранието на Црна Гора, како и за тоа дека тие податоци ги добиле на 19 август годинава, наведува „securityweek.com“.
„Сајбер-криминалците тврдат дека украле датотеки, вклучувајќи финансиски документи и изворен код, на 19 август. Тие наводно добиле кореспонденција со вработени во банка, биланси, активност на сметки, податоци за компензација и даночни документи“, пишува securityweek.com.
Веб-страницата на Собранието и другите негови веб сервиси не се дел од информациско-телекомуникациската структура на Владата на Црна Гора, која е под сајбер напади во последната недела, но IP-адресите што ги користи парламентот се дел од инфраструктурата на телекомуникациската компанија One (поранешен Теленор), покажуваат податоците од јавно достапните бази на податоци.
Како што пишува „securityweek.com“, „Cuba Ransomware“ постои од 2019 година, а ФБИ минатата година издаде предупредување за сајбер-криминалците кои ја таргетираат критичната инфраструктура.
Тие биле запознаени со приближно 50 целни субјекти, а според овој медиум, хакерите добиле десетици милиони долари од жртвите. Анализата спроведена минатата година од „Security Joes“ и „Profero“ покажа дека операторите на „Cuba Ransomware“ веројатно зборуваат руски, пишува црногорска „Pobjeda“.
Како што потсетува овој медиум, во мај, актерот за закана зад озлогласениот откупен софтвер ги таргетираше компјутерските системи на Костарика и се закани дека ќе ја собори владата.
Според црногорското МВР, по првата средба на министерот за внатрешни работи Филип Аџиќ и директорот на Полициската управа Зоран Брѓанин со правното аташе на ФБИ за Црна Гора, Србија и БиХ Кенет Брајан, кој ја изразил подготвеноста на ФБИ за Конкретна поддршка за црногорските колеги, денеска веќе беше одобрено пристигнувањето на ФБИ КАТ (Cyber Action Team) кој ќе учествува и ќе помогне во истрагата во врска со неодамнешните сајбер напади во Црна Гора.