Полицијата фати криминалец кој избегал од „Идризово“

На ул.„Аминта Трети“ во Скопје, синоќа во 21.35 часот полициски службеници од Оперативен тим потраги при СВР Скопје го лишиле од слобода А.Р.(27) од Скопје.

– Тој бил баран по централна потерница поради бегство од Казнено-поправната установа затвор Идризово- Скопје и за доиздржување затворска казна од четири години и 11 месеци, а бил осуден на казна затвор од 10 години и седум месеци за сторени кривични дела по член 236, член 242 и член 288 од Кривичниот законик, соопштија денеска од МВР.

Лицето било спроведено во установата за доиздржување на затворската казна.