156
Министерството за одбрана купува систем за противвоздушна одбрана од 66 милиони евра. Наредниот месец ќе биде платена првата од четирите рати за наредните три години.
Министерката за одбрана Славјанк Петровска , за набавката објаснува дека е за да се заштитат националните интереси.
„Во моментов не постои опасност за некаков напад врз нашата земја, но инвестициите во одбраната, како што е набавката на современ систем за воздушна одбрана, е дел од стратешкото и долгорочно планирање на одбраната“, вели министерката.
Оружјето е од француско производство и за него немало меѓународен тендер, туку одлуката ја донела работна група, формирана во министерството, кои одлучиле дека тоа оружје е најдобрата опција за државата.