ЕУ го суспендираше договорот за визно олеснување за Русија

Европскиот совет денеска донесе одлука за целосно суспендирање на договорот за визно олеснување меѓу ЕУ и Русија.

Од следната недела за руските граѓани ќе важат општите правила на визниот код, што ќе резултира со зголемување на таксата за аплицирање за виза од 35 на 80 евра, потреба од доставување дополнителна документација, продолжување на времето за обработка на визата и порестриктивни правила за издавање визи за повеќекратни влезови.

Чешкиот министер за внатрешни работи, Вит Ракушан истакнува дека одлуката е директна последица на постапките на Русија и доказ за европската посветеност кон Украина.