Гугл ја загуби правната битка со ЕУ, откако највисокиот европски суд во Луксембург донесе пресуда со која тврди дека гигантот ја злоупотребил својата доминација.
„Општиот суд во голема мера ја потврдува одлуката на Комисијата дека Гугл воведе незаконски ограничувања на производителите на мобилни уреди со Андроид и мобилните оператори со цел да ја консолидира монополската позиција на својот пребарувач“, соопшти судот.
Судиите сметаат дека казната од 4,125 милијарди евра е соодветна, а нивното образложение по одредени аспекти се разликува од образложението на Комисијата. Во споредба со првобитната казна, казната е намалена за 5 отсто поради спор околу еден бод.
Гугл по тој повод рече дека се однесува како безброј други компании и дека таквите договори помагаат да се задржи Андроид слободен и дека одлуката на ЕУ „не е во согласност со економската реалност на мобилните платформи“.
Гигантот исто така додаде дека ЕУ е „слепа“ кога станува збор за Епл, кој исто така дава очигледна предност на сопствените услуги како што е Сафари на Ајфон.
ЕУ и тужителите возвратија дека Гугл во клучните рани денови на Андроид, користел договори со производителите на телефони за да ги задуши своите ривали.
#EUGeneralCourt largely confirms the @EU_Commission ’s decision that @Google imposed unlawful restrictions on manufacturers of @Android mobile devices and mobile network operators to consolidate the dominant position of its search engine #Competition 👉 https://t.co/ATb3CgbPxg
— EU Court of Justice (@EUCourtPress) September 14, 2022
„Тоа го направија во критичен момент за развојот на мобилните компјутери, додека пазарот сè уште беше во подем“, наведуваат адвокатите.
Пресудата, исто така, е поттик за шефицата на антимонополската управа на ЕУ, Маргрет Вестагер, по неуспесите во случаите во кои се вклучени други технолошки гиганти како Интел и Квалком.
Случајот Андроид е трет покренат Вестагер против Гугл.
Гигантот, исто така, оспорува казна од 2,4 милијарди евра од 2017 година, исто така поврзана со злоупотреба на моќ, како и „тешка“ казна од 1,5 милијарди долари во 2019 година за „навредливи практики за рекламирање преку Интернет“.