Ерменија го обвини Азербејџан за прекршување на примирјето

Министерството за одбрана на Ерменија денеска ги обвини азербејџанските вооружени сили дека отвориле оган врз ерменските позиции, со што го прекршиле договорот за прекин на огнот, пренесува ТАСС.

„Околу 07:40 часот по локално време, азербејџанските сили повторно го прекршија примирјето со отворање оган од лесно оружје од различен калибар врз ерменските борбени позиции во источниот сектор на границата меѓу Ерменија и Азербејџан. Непријателот беше потиснат со возвратен оган“, соопшти министерството за одбрана на Ерменија.

Ерменија соопшти дека нема жртви меѓу нејзините војници.