187
Украинскиот министер за надворешни работи Дмитро Кулеба денеска ја повика Европската унија да воведе економски санкции кон Русија, наместо поединечни, за да ја казни поради организирање референдуми во четири окупирани региони со цел нивна анексија.
Тој рече дека потезите на Москва нема да ги променат акциите на Украина на бојното поле, пренесе „Ројтерс“.
По разговорот во Киев со шефицата на француската дипломатија, Кетрин Колон, Кулеба изјави дека поединечните санкции нема да бидат доволни како казна за референдумите што Русија ги најави како увертира за анексијата на самопрогласените ДНР и ЛНР, како и регионите Херсон и Запорожје.