Најмалку 19 лица загинаа, а многумина се ранети во експлозија во студентски образовен центар во главниот град на Авганистан, соопшти полицијата.
Експлозијата се случи во образовниот центар Каај во областа Дашт-е-Барчи во западниот дел на градот.
Студентите полагале испит во моментот на експлозијата, соопштија претставници од центарот.
Многу од оние што живеат во областа се припадници на малцинството Хазари, кое беше цел на претходни напади.
Ниту една група се уште не ја презела одговорноста за нападот.
Портпаролот на министерството за внатрешни работи на Талибанците изјави дека безбедносните екипи се на местото на настанот и го осудуваат нападот.
Абдул Нафи Такор рече дека нападот врз цивилни цели „докажува нечовечка суровост и отсуство на морални стандарди“.
Талибанците се вратија на власт во Авганистан во август 2021 година и сега се обидуваат да ја вратат стабилноста.
Сепак, нападите на ривалските екстремисти од Исламската држава продолжија.
Областа Дашт-е-Барчи беше место на неколку напади, од кои некои беа насочени кон училишта и болници.