Извршниот директор на Тесла, Илон Маск, покажа прототип на хуманоидниот робот „Optimus“, предвидувајќи дека производителот на електрични возила ќе може да произведе милиони примероци и да ги продаде за помалку од 20.000 долари, помалку од една третина од цената на моделот „Y“.
„Имаме уште многу работа за да го подобриме Optimus“, рече Маск на претставувањето на роботот во канцеларијата на Тесла во Пало Алто, Калифорнија.
Tesla Bot coming out and dancing 🤣 @elonmusk pic.twitter.com/TKT1lSGyqa
— Tesla Owners Silicon Valley (@teslaownersSV) October 1, 2022
Маск истакна дека очекува компанијата да биде подготвена да прима нарачки за „Optimus“ за три до пет години.
Прототипот на моделот за кој Тесла наведе дека го развил во февруари излезе да ги поздрави присутните во петокот, а во таа прилика прикажано е и видео на кое се гледа како прави едноставни задачи како што се наводнување растенија и носење кутии.
Teslas Bot is going to remove the utterly most painful repetitive tasks in every industry. It’ll make things super efficient. I can only imagine how much efficiency the production line at Tesla will become. @elonmusk pic.twitter.com/IyE0l8fYFD
— Tesla Owners Silicon Valley (@teslaownersSV) October 1, 2022
„Тој не беше сосема подготвен да оди, но мислам дека тоа ќе се реши за неколку недели“, рече Маск.
Тој рече дека на постоечките хуманоидни роботи им недостига мозок и способност сами да ги решаваат проблемите. Спротивно на тоа, Optimus би бил „исклучително способен робот“ и Тесла има намера да произведе милиони од нив.
За разлика од другите производители, Тесла гледа пазарна можност за производство на роботи на масовен пазар кои би можеле да се користат во фабричките работи.