Се верува дека Иван Витаљевич Петуњин, познат по уметничкото име Воки, се самоубил денес за да избегне да биде мобилизиран да се бори во војната на Владимир Путин во Украина.
Неговото тело е пронајдено во близина на една висококатница откако 27-годишниот музичар снимил видео порака објавена на неговиот канал на Телеграм во која вели дека не сака да убива луѓе за никакви идеали.
Петуњин, кој претходно служел во руската армија и се лекувал во душевна болница, им се обратил на своите обожаватели.
„Ако го гледате ова видео, тогаш повеќе не сум жив. Не можам да го земам гревот убиство на мојата душа и не сакам. Не сум подготвен да убивам за никакви идеали“, рекол раперот, пренесува „Daily Mail“.
Тој, исто така, се чини дека стравува дека делумната мобилизација на Путин наскоро би можела да се претвори во целосна воена служба.
Повеќе од 194.000 руски граѓани побегнаа во соседна Грузија, која Русија ја нападна во 2008 година, потоа во Казахстан и Финска, откако Путин најави делумна мобилизација на резервисти за да ги зајакне своите трупи во Украина.
Во подрастични случаи, Русите прибегнаа кон кршење на екстремитетите за да избегнат да бидат повикани, а споменатиот рапер наводно си го одзел животот поради тоа.