Британскиот крал Чарлс Трети се очекува да биде крунисан на 3 јуни следната година на церемонија во Вестминстерската опатија, соопштија британските власти.
Зборувајќи под услов да остане анонимен пред јавниот оглас, владините претставници рекоа дека се прават планови за таа сабота на почетокот на летото, иако се уште се водат дискусии за тоа кои други денови ќе станат официјални празници. Бакингемската палата одби да ги коментира наводите.
Крунисувањето, речиси 70 години од крунисувањето на кралицата Елизабета Втора, ќе го формира централниот дел на планот за прослава за да го означи почетокот на владеењето на новиот монарх.
Чарлс се искачи на тронот и беше именуван за крал минатиот месец по смртта на неговата мајка, кралицата Елизабета Втора.
До јуни следната година, Чарлс ќе наполни 74 години, што ќе го направи најстарата личност која е крунисана во британската историја, пишува „Bloomberg“.
Нашироко беше објавено дека крунисувањето ќе биде помало и поскромно од претходните верзии на церемонијата, со простор за претставници од различни религиозни, како и општествени групи во склад со модерната британска различност.