САД ја обвинија Северна Кореја дека тајно и доставува „значителен број“ артилериски гранати на Русија за поддршка на нејзината инвазија на Украина.
Портпаролот на Советот за национална безбедност на американскиот претседател Џон Кирби изјави дека Вашингтон верува оти Северна Кореја „се обидува да покаже дека гранати се испраќаат во земјите на Блискиот Исток или Северна Африка“.
Кирби одби да даде конкретна проценка за количеството муниција што се испраќа во Русија, додавајќи дека американските власти „сè уште ја следат за да утврдат дали пратките се примени“.
Кирби рече дека севернокорејските пратки во Русија „нема да го променат текот на војната“ и укажа на напорите што Западот ги инвестира во снабдување со оружје на украинската војска.
Белата куќа не го прецизираше начинот на транспорт или дали САД или други земји ќе се обидат да ја спречат испораката во Русија.
Вашингтон пред два месеци објави дека американските разузнавачи утврдиле дека руското Министерство за одбрана купува милиони ракети и артилериски гранати од Северна Кореја за војната против Украина.