Стотици демонстранти и полицајци се судрија во Шангај додека протестите поради строгите ограничувања на Кина за ковид-19 се разгореа и се проширија во неколку градови, што е најголемиот тест за претседателот Си Џинпинг откако обезбеди историски трет мандат на власт.
Бранот на граѓанска непослушност е без преседан во континентална Кина во една деценија, бидејќи фрустрацијата расте поради политиката на претседателот за нулта ковид, речиси три години по пандемијата.
Демонстрантите и полицијата се судрија во Шангај во неделата вечерта, и покрај тоа што беа насилно отстранети од полицајците користејќи солзавец само неколку часа претходно.
Би-Би-Си јавува дека полицијата во Шангај уапсила најмалку две лица во понеделникот, откако протестите продолжиле втора ноќ по ред.