Некои членови на кралското семејство се прашуваа зошто Меган треба да биде заштитена од вознемирување од страна на медиумите, тврди принцот Хари во новиот документарен филм на Нетфликс за брачниот пар.
Хари раскажа дека некои членови на семејството чувствувале дека негативниот третман во медиумите е „ритуал на иницијација“, но на тоа тој рекол: „Но, разликата е во расниот момент“.
Првите три епизоди од шокантниот серијал од шест дела на Хари и Меган беа објавени денеска.
Двојката зборуваше за животот во кралското семејство, мешањето на новинарите и расизмот.
Бакингемската палата допрва треба да одговори на тврдењата изнесени во документарецот, а на почетокот на првата епизода, Нетфликс соопшти дека членовите на кралското семејство одбиле да коментираат.
Епизодите објавени во четвртокот, во кои има опширни интервјуа со принцот Хари и неговата сопруга Меган и нивните пријатели, како и видео дневник, опфаќаат широк спектар на теми, како што се тешкиот однос на парот со таблоидите и реакцијата на кралското семејство на расистички написи во весниците напишани за Меган.
„Упатството од Палатата беше да не се каже ништо“, вели Хари.
„Но, она што луѓето треба да го разберат, што се однесува до поголемиот дел од семејството, сè низ што таа помина, мораа да поминат и тие.
Значи, тоа беше еден вид ритуал на иницијација, а некои членови на семејството сметаа: ‘Мојата сопруга мораше да помине низ тоа, зошто твојата девојка да добие поинаков третман? Зошто треба да добиете посебен третман? Зошто таа треба да биде заштитена?’.
На тоа одгоборив: Разликата е во расниот момент“.