Кадиров: Ќе го „скршам“ американскиот „Патриот“ и секој кој ќе насочи оружје против Русија

Шефот на Чеченската Република Рамзан Кадиров вети дека ќе ги „скрши“ американските противвоздушни ракетни системи „Патриот“ кои САД ветија дека ќе му ги достават на Киев.

Чеченскиот лидер зборуваше за тоа на својот канал на Телеграм.

Кадиров, покрај ракетните системи, се закани дека ќе го „скрши и секој кој ќе се осмели да насочи оружје против Русија“.

„Кога непријателите ќе го сфатат тоа, тие самите ќе ползат на колена за да побараат преговори“, рече шефот на Чеченија.

Во четвртокот, на 22 декември, рускиот претседател Владимир Путин реагираше на испораката на противвоздушни ракетни системи „Патриот“ на Украина, ветувајќи дека ќе ги „скрши“.