iPhone SE е најевтиниот паметен телефон на Apple кој доаѓа со многу компромиси како застарен дизајн, мал екран (според денешните стандарди), без поддршка за 4G итн. Веќе некое време на мрежата кружат информации дека Apple подготвува нова верзија на овој уред која ќе ги исправи споменатите недостатоци, а четвртата генерација на моделот SE конечно треба да донесе помодерен дизајн, поголем екран и поддршка за 5G.
Apple планираше да го претстави тој модел следната година, но како што објави аналитичарот Минг-Чи Куо оваа недела, ништо нема да излезе од тоа. Неговите извори велат дека Apple целосно се откажал од својот развој, па таа одлука би можела да го означи конечниот крај за оваа серија поевтини телефони на Apple.
Сепак, оваа информација не треба никого да изненади или шокира бидејќи веќе минатиот месец беше објавено дека Apple размислува да го одложи или целосно да го откаже развојот на новиот iPhone SE. Сепак, благодарение на Куо, сега ни е позната една од важните причини зошто Apple одлучи да го направи овој потег.
Имено, новиот SE требаше да го има новиот мобилен чип на Apple со поддршка за 5G, но тој план беше напуштен бидејќи неговите перформанси не се на исто ниво со перформансите на Qualcomm чипот кој моментално се користи во iPhone. Новиот SE требаше да биде тест за чипот на Apple, а доколку тој тест се покаже како успешен, истите чипови ќе бидат инсталирани во моделите на iPhone 16 кои компанијата на Кук ќе ги претстави во септември 2024 година.
Но, се чини дека ништо нема да излезе од тоа, па Куо вели дека најголемиот добитник на оваа ситуација е Qualcomm бидејќи тоа значи дека Apple ќе продолжи да ги користи нивните чипови во своите телефони.