Како што покажува статистиката, електричните возила ја имаа својата најдобра година досега во 2022 година, со вкупна глобална продажба од 7,8 милиони единици.
Тоа значи дека целосно електричните возила сочинуваат околу 10 отсто од глобалниот волумен, што е првпат во историјата на автомобилската индустрија.
„Волстрит журнал“ известува дека продажбата на електрични возила ќе порасне за 68 отсто на глобално ниво во 2022 година во споредба со 2021 година. Кина, најголемиот пазар на автомобили во светот, беше и најголемиот светски пазар на електрични возила, со околу две третини од целата продажба на ЕВ. Тоа значи дека приближно еден од пет автомобили продадени во Кина минатата година бил целосно електричен.
Во Европа, целосно електричните возила сочинуваат околу 1 од 10 продадени нови автомобили. Сепак, таа бројка се искачува на еден од пет ако на вкупниот број се додадат и plug-in хибриди.
Продажбата на ЕВ расте и во САД. Само 5,8 отсто од сите продадени возила во таа земја се електрични, но тоа е повеќе од уделот од 3,2 отсто во 2021 година.