Поранешен британски премиер: Излегувањето на Британија од ЕУ беше голема грешка

Поранешниот британски премиер сер Џон Мејџор (79) денеска пред Вестминстерскиот комитет изјави дека Британија направила „голема грешка“ кога ја напуштила Европската унија.

Мејџор рече дека иако тој не е „голем еврофил“, верува дека Британија била посилна кога била во ЕУ, објави „Блумберг“.

Заменик-претседателот на Алијансата Стивен Фери го праша дали било предност за Британија да биде во ЕУ за време на почетокот на мировните преговори во Северна Ирска во 1990-тите.