Кристијан Атсу, поранешен фудбалер на Њукасл и Челзи, е пронајден мртов по неколкудневна потрага.
Оваа вест ја објави неговиот менаџер Мурат Узунмехмет на Твитер и со тоа го потврди пишувањето на турските медиуми.
Тој даде изјава и за турската агенција „Демирорен“ –
„Безживотното тело на Атсу беше пронајдено под урнатините. Неговите работи моментално се отстрануваат, пронајден е и телефон“.
Овој фудбалер е пронајден во урнатините на една од зградите, а пред неколку дена спасувачката екипа прво ги пронашла неговите патики.
Медиумите ширум светот неколку дена испраќаа спротивставени информации за состојбата на Атсу, па прво беше објавено дека тој е спасен, а потоа беше демантиран. Па, тој наводно бил пронајден, па тоа е демантирано.
Во целиот виор на вести, во еден момент дури и беше прогласен за мртов, што беше демантирано.
Сега по неколкудневна потрага е пронајдено неговото безживотно тело.
Christian Atsu bulundu ve maalesef hayatını kaybetti
— Murat Uzunmehmet (@MuratUzunmehmet) February 18, 2023