Вучиќ го пречека Вархеји во Прокоп, следи средба во воз

Претседателот на Србија, Александар Вучиќ, денеска на железничката станица Белград Центар во Прокоп го пречека еврокомесарот за проширување Оливер Вархеји, од каде со воз ќе тргне до станицата Рипањ.

Вучиќ и Вархеји ќе одржат средба во четири очи во возот, по што свечено ќе ја потпишат првата транша од инвестицискиот грант за делницата Белград-Ниш како дел од финансискиот пакет за железничкиот Коридор 10.

За време на возењето ќе се одржи и состанок на членовите на делегациите на Србија и ЕУ.