Опозицијата во молдавскиот парламент го блокираше зборот, протестирајќи поради намерата да се смени името на државниот јазик од молдавски во романски, јавува дописникот на РИА Новости.
Пратениците се наредиле пред говорницата носејќи транспаренти со барања за одржување референдум за ова прашање, како и промена на власта и прекин на кршењето на уставот, пренесе РИА Новости.
#Americans and/or #British in #Moldova?Another #coup?It seems so:Unrest in the #MoldovanParliament after the committees approved – with a majority of 63 out of 101 – a bill to change the name «Moldovan language» to «#Romanianlanguage». pic.twitter.com/sCelkDuBjP
— Donato Yaakov Secchi (@doyaksec) March 2, 2023
Во еден момент дошло до хаос и тепачка кога владините претставници се обиделе да ги грабнат транспарентите од рацете на опозицијата.
Според претседателот на Собранието, Игор Гросу, предлогот за измена на Уставот со кој ќе се официјализира новото официјално име на јазикот на Молдавија е усвоен во прво читање со гласови на 56 пратеници.
Во Молдавија амандманите на Уставот мора да добијат двотретинско мнозинство во парламентот, што значи 67 од вкупно 101 пратеник.
Доколку, пак, претходно беа предложени од Уставниот суд, доволно е и просто парламентарно мнозинство. Уставниот суд предложи промена на името на јазикот уште во 2013 година.
Процедурата на гласање на собраниската седница се одвиваше со извиците „срам“ и „предвремени избори“ на дел од пратениците.
Иницијативата за промена на името на јазикот е поднесена од владејачката партија Акција и солидарност.
Според тој предлог, терминот „молдавски јазик“ во која било граматичка форма се заменува со терминот „романски јазик“.
Дополнително, зборовите „државен јазик“, „официјален јазик“ и „мајчин јазик“ се заменуваат со зборовите „романски“ доколку се однесуваат на државниот јазик на Молдавија.