Високиот претставник за надворешна политика, Жозеп Борел, денеска во име на ЕУ го осуди режимот на Лукашенко за пресудите против „пет истакнати претставници на белоруската демократска опозиција во егзил, кои беа осудени, во отсуство и во затворени процеси, на долги и неоправдани затворски казни“.
„Беа цел само затоа што застанаа во одбрана на демократските права и правдата, барајќи слободни и фер избори“, рече Борел.
Лидерката на белоруските продемократски сили, Светлана Тихановскаja е осудена на 15 години затвор. Членовите на Координативниот совет, Павел Латушко е осуден на 18 години, а Марија Мароз, Волха Кавалкова и Сергеј Дилевски се осудени на по 12 години затвор.
Борел додава дека белорускиот режим го покажа своето дно во обидите да ги замолчи оние кои застануваат да ги бранат основните слободи на народот на Белорусија и го оспоруваат неговиот нелегитимен режим.
ЕУ наведува дека ќе продолжи да ги поддржува сите оние кои храбро се залагаат за независна и демократска Белорусија и е подготвена да преземе акција како одговор на континуираното и безобразно кршење на правата на нејзиниот народ.