Жителите на кинеската провинција Лиаонинг беа предупредени од властите да пронајдат засолниште откако „дожд од црви“ почна да паѓа од небото.
Имено, на социјалните мрежи се појави видео на кое можете да видите како автомобилите и улиците се прекриени со необични тела кои личат на црви или дождовни црви.
Иако официјалната причина се уште не е откриена, научното списание Mother Nature вели дека црвите почнале да паѓаат откако биле зафатени од силните ветрови. Тие исто така забележаа дека таквите работи се вообичаени по бурите кога црвите ќе се заглават во вртлог, пишува New York Post.
WATCH 🚨 China citizens told to find shelter after it looked like it started to rain worms pic.twitter.com/otVkuYDwlK
— Insider Paper (@TheInsiderPaper) March 10, 2023
Друга теорија вели дека станува збор за популарниот цвет на дрвото лале чии плодови наликуваат на црви. „Тоа се цветни стебла, а не црви“, рече корисник на Твитер.
Мислењата на луѓето се поделени, некои се убедени дека тоа е ретка појава, а други велат дека видеото изгледа лажно и дека е измама.