Украинското министерство за одбрана синоќа соопшти дека уништило крстосувачки ракети наменети за руската Црноморска флота во голема експлозија во кримскиот град Жанкој, пренесува „Гардијан“.
Поточно, некои украински официјални лица тврдат дека во експлозијата биле уништени ракетите Калибр НК, кои руските бродови често ги користат за цели ширум Украина.
Советникот на министерството за внатрешни работи, Антон Герашченко, сподели видео на социјалните мрежи за кое тврди дека ја прикажува градската железничка станица, на која се гледа голема експлозија проследена со облак од чад. Нејзиното објавување не може да се потврди независно.
Russian cruise missiles "Kalibr NK" were destroyed in #Dzhankoi, temporarily occupied #Crimea, during their transportation by rail, Ukrainian intelligence reported.
"The mystery clap continues the process of demilitarization of #Russia and prepares the Ukrainian peninsula of… https://t.co/JrOuzRC98o pic.twitter.com/gA0b7sCds1
— NEXTA (@nexta_tv) March 20, 2023
Процесот на демилитаризација на Русија и подготовка на украинскиот полуостров Крим за деокупација продолжи со мистериозен „потрес“, објавија украинските власти на Телеграм.
Овие експлозии се случија на околу 140 километри зад линијата на фронтот, што го отвора прашањето како тие се случија. Рускиот гувернер на окупираниот Крим, Сергеј Аксјонов, во понеделникот навести дека имало напад со дрон врз Жанкој, но не откри детално за што се работи.
Според него, оштетени се само едно или две домаќинства, а едно лице е повредено.
Russian cruise missiles "Kalibr NK" were destroyed in Dzhankoi, Crimea, during their transportation by rail – @DI_Ukraine
It is reported that this video is from Dzhankoi. The voice says it's the train station area. pic.twitter.com/9UXMe2aKNR
— Anton Gerashchenko (@Gerashchenko_en) March 20, 2023
„Сè уште се обидуваме да ги утврдиме сите последици“, рече тој.
Од друга страна, на некои канали на Телеграм руски корисници пишуваат дека можеби станува збор за напад со дрон.