Мишел: ЕУ масовно ќе го зголеми производството на муниција што ќе се испрати во Украина

Претседателот на Европскиот совет, Шарл Мишел денеска вети дека ЕУ ќе продолжи да ја поддржува војната на Украина против Русија се додека е потребно, додавајќи дека лидерите на ЕУ „масовно ќе го зголемат производството на муниција за испраќање во земјата, разорена од војна“.

Мишел се состана со романскиот претседател Клаус Јоханис во палатата Котрочени во Букурешт, каде што двајцата лидери разговараа за поддршката на ЕУ за Украина, безбедносните прашања во соседна Молдавија и напорите на Романија да се приклучи на Шенген зоната, објави АП.

„Повторно ја засилуваме нашата воена поддршка и минатата недела се договоривме итно да испорачаме еден милион парчиња муниција во Украина“, рече Мишел на прес-конференција.