Откако беа задушени масовните антивладини протести во периодот од 2020 до 2021 година, десетици илјади Белоруси ја напуштија својата земја среде виорот на репресија и насилство дома.
Студенти, активисти и политички противници на угнетувачкиот режим на претседателот Александар Лукашенко, избегаа во соседните Полска и Литванија.
И таму останаа.
Ако се вратат назад, многу од оние што се противат на „последниот диктатор“ на Европа ќе се соочат со апсење, затвор или уште полошо.
„Тука сме затоа што немаме избор“, рече Алексеј Евтушик, белоруски активист.
37-годишникот избегал во Литванија пред две години, откако бил уапсен на демонстрации во неговата татковина. Тој вели дека бил затворен и измачуван од полицијата, оставајќи му малку избор, освен да побегне.
Сепак, од војната во Украина, прогонетите Белоруси како Евтушик велат дека се соочуваат со растечка дискриминација и непријателство во Европската унија, преземајќи ја вината за цврстата поддршка на Белорусија на Русија.
Тоа се манифестира на многу начини. Европските универзитети и сопственици, наводно, одбиле да примат Белоруси, додека некои компании повеќе не ги вработуваат.
И Шведска и Чешка беа критикувани за обидот да ги депортираат белоруските баратели на азил, и покрај ризикот од смртна казна дома.
Целата анализа на следниот линк!